РУДОЛЬФ

Артур Альбертович

Муниципальнöй районлöн администрацияöн веськöдлысь

Пыдди пуктана Сыктывдин районса олысьяс да гöсьтъяс!

Став сьöлöмсянь паныдала Тіянöс «Сыктывдин» муниципальнöй районлöн сайт вылын! 

Коми Республикаын Сыктывдин район  лоö збыльвылысь дона изйöн. Тайö сайтсö лöсьöдігöн, ми зілим, медым эськö сійö лои коланаöн да гöгöрвоанаöн кыдз позьö унджык сикас войтырлы, арлыд да политика видзöдлас вылö видзöдтöг. Сайт вылын став юöрыс сетöма республикалöн кык канму кыв вылын - комиöн да рочöн. Кутам лача, мый сайтöн вöдитчысьяс бурногöн донъяласны татшöмторсö. Медводз ми кöсйим кыпöдны юöртана тшупöдсö да восьсöн петкöдлыны ассьыным уджнымöс.

Эскам, мый сайтлöн выльмöдöмыс кокньöдас да бурмöдас миянлысь öтувъя удж да олöм. Дерт, сайт  сетö и  водзö вылö выль позянлунъяс.  Ми падъявтöг шуам, мый Тіян пöвстын  эмöсь сэтшöм йöз, кодъяслы абу веськодь районлöн аскиа луныс, коді зільö сöвмöдны ас район. Тані Ті кокньыда верманныд аддзыны колана юöр Сыктывдин районлöн артмöм, сиктса овмöдчöминъяслöн оласног, муниципальнöй власьтлöн асвеськöдлан удж йылысь. Сідзжö верманныд  восьсöн тöдмавны районса администрациялысь да сиктса овмöдчöминъяслысь телепон номеръяс, а сідзжö позьö «виртуальнöн приёмнöй» отсöгöн  шыöдчыны  вöзйöмöн либö юалöмöн.

Окота эскыны, мый артмас  восьса да веськыд сёрни Сыктывдин районса олысьяскöд, кодъяс збыльысь тöждысьöны  ас район вöсна. Ни öти шыöдчöм либö вöзйöм оз ло бокö кольöма.  Ставыс лоö колана ногöн видлалöма  районса администрациялöн уджын. Став юалöм  вылас лоö сетöма стöч да тöлка вочакыв.  Эскам, мый регыдъя кадö миян сайт  сетас позянлун кутны топыд йитöд  власьт  да йöзкотыр  костын.  Сайтöн вöдитчысьяс вермасны тöдмасьны районса  выльторъясöн, власьт органъяслöн индöд-тшöктöмъясöн, шедöдны тöдöмлунъяс быдсикас юалöм серти:  районса экономика, велöдöм, культура, дзоньвидзалун видзöм да уна мукöдтор. Юöртöмыс пыр мöдас выльмöдсьыны, юöръяс кутасны содны да петкöдлыны медшöр лоöмторъяссö да вермöмъяссö районса да сиктса администрацияяслöн уджаланногын.

Сьöлöмсянь эска, мый миян сайт вылö мыччöдöм юöртöмыс лоö Тіянлы оз сöмын  гажöданаöн да ыштöданаöн, но и коланаöн. Ми  кыпыда паныдалам сайт вылö пыралысь гöсьтъясöс. Чайтам, мый сайт вылö мыччöдöм  юöрыс лоö восьса ставлы, кодлы абу веськодь районлöн аскиа луныс, коді збылысь кöсйö аддзыны миянлысь районнымöс пыр водзö сöвмысьöн.

Пыдди пуктöмöн, А.А. Рудольф

Тöд вылö!

2011-öд вося öшым  19-öд лунсянь Сыктывдин районса олысьяс да гöсьтъяс вермасны веськыда мöдöдны ассьыныс сиöмъяссö, вöзйöмъяссö да донъялöмсö "Сыктывдин" МЮ-са МР-лöн администрацияса юралысьлы

(ссылкаяс кузя вуджöм артмас серпас пыр, личкыштöй, медым вуджны…)

Менам лои гижсьöма став социальнöй везйö,  ставмирса медиагöгöртаслöн ресурсъяс вылö. Öнí ме верма веськыда да тырвыйö донъявны кыдз республикаын, сíдз и Сыктывдин овмöдчöминъясын артмысь лоöмторъяссö. "Вконтакте", "Твиттер", "ЖЖ", "Фейсбук" – тайö «пöсь» йитöд, кöсъяд кö. Ни öти вöзйöм, ни öти  видана донъялöм оз коль вочакывтöг.  Ме кута донъявны чиновникъяслысь да веськöдлысьяслысь уджсö веськыда места вылас да колана кö лоö, пыр жö кута индыны кадрöвöй вежсьöм вылö.  Пырысьтöм пыр жö шуа, тайö абу мода бöрся вöтчöм, а талунъя лунлöн корöмлы вочакыв.

Пыдди пуктöмöн, А.А. Рудольф

«Сыктывдин» муниципальнöй районлöн муниципальнöй юкöнса администрация – меставывса асвеськöдлан орган, збыльмöдö олöмö пöртан да тшöктан могъяс, кодлы Подув пуктасöн урчитöма меставывса тöдчанлуна юалöмъяс збыльмöдан да торья канму олöмö пöртан уджмогъяс, кодъясöс индöма федеральнöй оланпасъясöн да Коми Республикаса оланпасъясöн. Сылöн тыр ним - «Сыктывдин»  муниципальнöй районлöн муниципальнöй юкöнса администрация да дженьыд  ним - «Сыктывдин» муниципальнöй районса  Администрация.

    Паськыдджыка Подувпуктасын